முதல்முறையாக, செயற்கை முறையில் இனப்பெருக்கம் செய்யப்பட்ட இரண்டு ஆண் கானமயில்கள் (Great Indian Bustard) ராஜஸ்தானின் ஜெய்சால்மரில் உள்ள பாலைவனத் தேசியப் பூங்காவில் காட்டில் விடுவிக்கப்பட்டன. மிக அருகிவரும் இனமான கானமயிலைப் பாதுகாக்கும் கானமயில் மீட்புத் திட்டத்தின் ஒரு பகுதியாக இது நடைபெற்றது. இத்திட்டத்தை ஒன்றிய சுற்றுச்சூழல், வனம் மற்றும் காலநிலை மாற்ற அமைச்சகம் (MoEFCC), ராஜஸ்தான் வனத்துறை, இந்திய வனவிலங்கு நிறுவனம் (WII) ஆகியவை இணைந்து செயல்படுத்துகின்றன. ஹவுபாரா பாதுகாப்புக்கான சர்வதேச நிதியம் (IFHC) தொழில்நுட்ப உதவியும், தேசிய ஈடுசெய் காடு வளர்ப்பு நிதி மேலாண்மை மற்றும் திட்டமிடல் ஆணையம் (National CAMPA) நிதியுதவியும் வழங்குகின்றன. இந்த இனத்துக்கான செயற்கை இனப்பெருக்கம் மற்றும் காட்டில் மீள் அறிமுகத் திட்டத்தை உருவாக்குவதில் இது முக்கிய முன்னேற்றமாகும்.