இந்தியாவில் சிவிங்கிப்புலிகளுக்கான இரண்டாவது வாழிடமாக உருவாக்கப்பட்டு வரும் மத்தியப் பிரதேசத்தின் காந்தி சாகர் வனவிலங்குச் சரணாலயத்துக்கு போட்ஸ்வானாவிலிருந்து ஒரு புதிய பெண் சிவிங்கிப்புலி வந்துள்ளது. சிவிங்கிப்புலித் திட்டத்தின் (Project Cheetah) மையமான குனோ தேசியப் பூங்காவிலிருந்து சுமார் 300 கி.மீ. தொலைவில் உள்ள இச்சரணாலயத்தில் ஏற்கெனவே இரண்டு ஆண் சிவிங்கிப்புலிகள் உள்ளன. சாகர், தமோ, நர்சிங்பூர் மாவட்டங்களில் பரவியுள்ள ராணி துர்காவதி புலிகள் காப்பகத்தின் பகுதியான நௌரதேஹி வனவிலங்குச் சரணாலயத்தில் மூன்றாவது வாழிடம் உருவாக்கப்பட்டு வருகிறது.