மாநிலத்தில் யுரேனியம் சுரங்கத்தை எதிர்த்து மேகாலயா சட்டப்பேரவை தீர்மானம்

மாநிலத்தில் யுரேனியம் சுரங்கம் மற்றும் யுரேனியத் தாது பதப்படுத்தும் வசதிகளை எதிர்க்கும் தீர்மானத்தை மேகாலயா சட்டப்பேரவை ஏற்றது. 60 உறுப்பினர்கள் கொண்ட பேரவையில் முதலமைச்சர் இத்தீர்மானத்தைக் கொண்டுவந்தார். நிலம் மற்றும் அதன் அடியிலுள்ள கனிமங்கள் மீது தனியார், சமூக நில உரிமையாளர்களின் உரிமைகளை அங்கீகரித்த 2019 உச்ச நீதிமன்ற உத்தரவை இத்தீர்மானம் சுட்டிக்காட்டியது. மேகாலயாவின் ஆறாவது அட்டவணைக் கட்டமைப்பு, நிலம் மற்றும் வளங்கள் மீதான சமூக, குல, தனிநபர் உரிமையைப் பாதுகாக்கிறது. மாநிலத்தில் சுமார் 9.22 மில்லியன் டன் யுரேனியப் படிவுகள் உள்ளன; இது இந்தியாவின் மொத்த இருப்பில் சுமார் 16%; ஜார்க்கண்ட், ஆந்திரப் பிரதேசத்துக்கு அடுத்து மூன்றாம் இடம்.