வனத்துறை நடத்திய பொது வாக்கெடுப்பில், இந்தியச் சாம்பல் இருவாச்சி ‘திருப்பத்தூர் மாவட்டப் பறவை’யாகத் தேர்ந்தெடுக்கப்பட்டது. மாணவர்கள் மற்றும் இளைஞர்களிடையே பல்லுயிர்ப் பெருக்கம் மற்றும் வனப் பாதுகாப்பு குறித்த விழிப்புணர்வை அதிகரிப்பது இம்முயற்சியின் நோக்கம். ஆம்பூர், சிங்காரப்பேட்டை வனச்சரகங்களிலும் ஏலகிரி மலையிலும் இப்பறவை கணிசமான எண்ணிக்கையில் காணப்படுகிறது. இந்தியச் சாம்பல் இருவாச்சி (Ocyceros birostris) IUCN சிவப்புப் பட்டியலில் ‘குறைந்த கவலைக்குரியது’ என வகைப்படுத்தப்பட்டுள்ளது.