கடுமையான சுற்றுச்சூழல் இணக்க நிபந்தனைகளுக்கு உட்பட்டு, கிரேட் நிக்கோபார் தீவு உள்கட்டமைப்புத் திட்டத்துக்குத் தேசியப் பசுமைத் தீர்ப்பாயம் (NGT) ஒப்புதல் அளித்தது. பன்னாட்டுக் கொள்கலன் மாற்றுப் போக்குவரத்து முனையம், ஒரு நகரியம், 450 MVA எரிவாயு-சூரிய மின் நிலையம் ஆகியவை இத்திட்டத்தில் அடங்கும். மலாக்கா நீரிணைக்கு அருகிலும் ‘கிழக்கே செயல்படு’ கொள்கைக்கும் இதன் உத்திசார் முக்கியத்துவத்தைத் தீர்ப்பாயம் சுட்டிக்காட்டியது. தீவுக் கடலோர ஒழுங்குமுறை மண்டல அறிவிக்கை, 2019-இன் கீழ் 16,000-க்கும் மேற்பட்ட பவளக் குடியிருப்புகள் இடமாற்றம் செய்யப்பட்டுக் கண்காணிக்கப்படும்; கலாத்தியா விரிகுடாவின் நேரடித் திட்டப் பகுதியில் பெரிய பவளப்பாறை இல்லை எனவும் தீர்ப்பாயம் கண்டறிந்தது.