Nature Trust அமைப்பின் நீண்டகாலக் கண்காணிப்பின்படி, சென்னையில் உள்ள பள்ளிக்கரணை சதுப்பு நிலம் தற்போது புள்ளி அலகு கூழைக்கடாக்களுக்கு (Spot-billed Pelican) ஆண்டு முழுவதுமான வாழிடமாக மாறியுள்ளது. இந்த இனத்தின் அறிவியல் பெயர் Pelecanus philippensis; IUCN சிவப்புப் பட்டியலில் இது அச்சுறு நிலையை நெருங்கியது (Near Threatened - NT) என வகைப்படுத்தப்பட்டுள்ளது. தமிழ்நாட்டைப் பொறுத்தவரை, State of India's Birds அறிக்கை இதனைத் தற்போதைய ஆண்டுப் போக்கில் வேகமாகக் குறைந்து வரும் ஈரநிலப் பறவையினமாகக் குறிப்பிடுகிறது. சாம்பல் கூழைக்கடா (Grey Pelican) என்றும் அழைக்கப்படும் இப்பறவை Pelecanidae குடும்பம் மற்றும் Pelecaniformes வரிசையைச் சேர்ந்தது. இது பெரும்பாலும் நன்னீர் ஏரிகள், நீர்த்தேக்கங்கள், ஆறுகள், கடலோர ஈரநிலங்கள் மற்றும் கழிமுகங்களில் வாழ்கிறது.
