மயிலாடுதுறை நாடாளுமன்ற உறுப்பினர் ஆர். சுதா, சென்னை முதல் கன்னியாகுமரி வரை புதிய கிழக்குக் கடற்கரை ரயில் பாதை அமைப்பதற்கான முன்மொழிவை ஒன்றிய ரயில்வே அமைச்சரிடம் சமர்ப்பித்துள்ளார்.
கொங்கண் ரயில்வே மாதிரியில் திட்டமிடப்பட்டுள்ள இந்தப் பாதை தமிழ்நாட்டின் 14 கடலோர மாவட்டங்கள் வழியாகச் செல்லும். சுமார் 1,076 கி.மீ. நீளமுள்ள தமிழ்நாட்டின் கடற்கரை இத்திட்டத்துக்கு வலு சேர்க்கிறது. சுற்றுலா, மீன்பிடித் தொழில், போக்குவரத்து, கடல் உணவுப் பொருட்களின் ஏற்றுமதி ஆகியவற்றை மேம்படுத்துவது இதன் நோக்கம்.