பனிச்சிறுத்தைகள் மற்றும் குளிர் பாலைவனச் சூழல் அமைப்புகளைப் பாதுகாப்பதற்கான பிரத்யேக அமைப்பாக, SHAN (Snow Leopard and High-Altitude Nature) பாதுகாப்புச் சங்கத்துக்கு லடாக் துணைநிலை ஆளுநர் ஒப்புதல் அளித்துள்ளார். லடாக் பகுதியில் உள்ள ஆல்பைன் விலங்குகள், தாவரங்கள், ஈரநிலங்கள் மற்றும் எளிதில் பாதிக்கப்படும் உயர்மலைச் சூழலை இச்சங்கம் பாதுகாக்கும். அறிவியல் கண்காணிப்பு, ஆராய்ச்சி, வாழிடப் பாதுகாப்பு, மனித–வனவிலங்கு மோதலைக் குறைத்தல் ஆகிய பணிகளுடன், உள்ளூர் மக்களுக்கான சூழல் மேம்பாடு மற்றும் நிலையான வாழ்வாதார வாய்ப்புகளையும் இது ஊக்குவிக்கும். IUCN சிவப்புப் பட்டியலில் பனிச்சிறுத்தை 'பாதிக்கப்படக்கூடிய' (Vulnerable) இனமாக உள்ளது; இந்தியாவில் அதிக எண்ணிக்கையிலான பனிச்சிறுத்தைகள் லடாக்கில் உள்ளன.