போக்குவரத்து மற்றும் சரக்கு கையாளுதலை (logistics) ஒருங்கிணைந்த முறையில் திட்டமிடுவதற்காக, ஒருங்கிணைந்த போக்குவரத்து மற்றும் சரக்கு கையாளுதல் ஆணையத்தை (ITLA) சிறப்பு நோக்க அமைப்பாக (SPV) அமைக்க ஒன்றிய அமைச்சரவை ஒப்புதல் அளித்துள்ளது. போக்குவரத்துத் திட்டமிடல், ஆராய்ச்சி, திட்ட மதிப்பீடு, கண்காணிப்பு, கொள்கை ஆதரவு, தரவுப் பகுப்பாய்வு ஆகியவற்றுக்கான நாட்டின் உச்ச அமைப்பாக ITLA செயல்படும். சாலைகள், ரயில்வே, துறைமுகங்கள், கப்பல் போக்குவரத்து, விமானப் போக்குவரத்து, உள்நாட்டு நீர்வழிகள், நகர்ப்புற இயக்கம் ஆகியவற்றை உள்ளடக்கிய, குறைந்தது 10 ஆண்டு கால அளவிலான தேசிய போக்குவரத்து பெருந்திட்டத்தை (National Transport Master Plan) இது தயாரிக்கும். ₹500 கோடி அல்லது அதற்கு மேற்பட்ட மதிப்புள்ள ஒன்றிய அரசின் முக்கிய உள்கட்டமைப்புத் திட்டங்களை இது தொழில்நுட்ப ரீதியாக மதிப்பிட்டுக் கண்காணிக்கும். GSTN இ-வே பில்கள், FASTag, Vahan, GPS, நகர்ப்புற போக்குவரத்து அமைப்புகள் ஆகியவற்றின் தரவைக் கொண்டு தேசிய போக்குவரத்துத் தரவுக் களஞ்சியத்தையும் (NTDR) இது உருவாக்கும்.