1881 முதல் 2025 வரையிலான பதிவுகளின் அடிப்படையில், 27 பேரினங்களைச் சேர்ந்த 92 இனங்களை உள்ளடக்கிய இந்தியாவின் முதல் விரிவான மின்மினிப் பூச்சிப் பட்டியலை விஞ்ஞானிகள் வெளியிட்டுள்ளனர். இவற்றில் 60%-க்கும் மேற்பட்ட இனங்கள் இந்தியாவுக்கே உரியவை (endemic); பல இனங்கள் 1800-களுக்குப் பிறகு மீண்டும் காணப்படவில்லை.
மேற்குத் தொடர்ச்சி மலைகளில் மின்மினிப் பூச்சிகளின் பன்முகத்தன்மை அதிகம்; அடுத்து வடகிழக்கு இந்தியா, கங்கைச் சமவெளி உள்ளன. லாம்பைரிடே (Lampyridae) வண்டுக் குடும்பத்தைச் சேர்ந்த இவை, லூசிஃபெரின், லூசிஃபெரேஸ், ஆக்ஸிஜன், அடினோசின் டிரைபாஸ்பேட் (ATP) ஆகியவை ஈடுபடும் வேதிவினையான உயிரொளிர்வு (bioluminescence) மூலம் ஒளியை உமிழ்கின்றன. ஒளி மாசு, நகரமயமாக்கல் காரணமாக இவை குறைந்து வருவதால் பாதுகாப்பு அவசியமாகிறது.