ஒருங்கிணைந்த கடல்சார் படைகளின் (CMF) கீழ் இயங்கும் பன்னாட்டுப் பயிற்சிப் படையான ஒருங்கிணைந்த பணிப்படை-154 (CTF-154)-இன் தலைமையை இந்தியக் கடற்படை முதன்முறையாக ஏற்றுள்ளது. பஹ்ரைனின் மனாமாவில் உள்ள CMF தலைமையகத்தில் பொறுப்பேற்பு விழா நடைபெற்றது. கடல்சார் பாதுகாப்பு மேம்பாட்டுப் பயிற்சி மற்றும் காம்பஸ் ரோஸ் போன்ற பயிற்சிகள் உள்ளிட்ட பயிற்சி, திறன் மேம்பாடு வழியாக கடல்சார் பாதுகாப்பைக் கட்டியெழுப்ப மே 2023-இல் CTF-154 உருவாக்கப்பட்டது. CMF என்பது இந்தியப் பெருங்கடல் பகுதியிலும் அதையொட்டிய கடல்களிலும் செயல்படும் 47 நாடுகளின் கடற்படைக் கூட்டமைப்பாகும்.