இந்திய சர்வதேசப் பொருளாதார உறவுகள் ஆராய்ச்சிக் குழுமம் (ICRIER) "Healing Soils in India: For Better Crop Health and Human Nutrition" என்ற அறிக்கையை வெளியிட்டுள்ளது. யூரியாவை அளவுக்கு அதிகமாகப் பயன்படுத்துதல், தீவிர வேளாண்மை, ஒற்றைப் பயிர் சாகுபடி, பயிர்க் கழிவுகளை எரித்தல், நெல் வயல்களில் நீர் தேங்குதல் ஆகியவையே மண் சீரழிவின் முதன்மைக் காரணங்கள் என அது குறிப்பிடுகிறது. அரிப்பால் இந்தியா ஆண்டுதோறும் சுமார் 5.3 பில்லியன் டன் மேல்மண்ணையும், 5.4-8.4 மில்லியன் டன் ஊட்டச்சத்துகளையும் இழக்கிறது. மண் சீரழிவு பயிர்களின் ஊட்டச்சத்து உறிஞ்சுதலையும் தரத்தையும் குறைத்து, துத்தநாகம், இரும்புச்சத்துக் குறைபாட்டால் குழந்தைகளிடையே மறைமுகப் பசிக்கு (Hidden Hunger) வழிவகுக்கிறது. மண்வள அட்டைத் திட்டம், PM-PRANAM, பரம்பராகத் கிருஷி விகாஸ் யோஜனா, வேப்பம் பூசிய யூரியா போன்ற திட்டங்கள் இதைச் சரிசெய்ய முயல்கின்றன.