உணவு மற்றும் வேளாண்மை அமைப்பு (FAO), உலக உணவுத் திட்டம் (WFP) ஆகியவை 'பசி மையப்புள்ளிகள் அறிக்கை 2026'-ஐ (Hunger Hotspots Report 2026) வெளியிட்டன. 2026 ஜூன் முதல் நவம்பர் வரை 13 நாடுகளில் கடுமையான உணவுப் பாதுகாப்பின்மை மோசமடையக்கூடும் என அது எச்சரிக்கிறது. அவை: ஆப்கானிஸ்தான், மியான்மர், தெற்கு சூடான், சோமாலியா, ஹைட்டி, சூடான், பாலஸ்தீனம், ஏமன், லெபனான், காங்கோ ஜனநாயகக் குடியரசு, மடகாஸ்கர், நைஜீரியா, மாலி. பஞ்ச அபாயம் காரணமாக சூடான், தெற்கு சூடான், ஏமன், பாலஸ்தீனம், நைஜீரியா, சோமாலியா ஆகியவை மிக உயர்ந்த கவலைக்குரிய பகுதிகளாக வகைப்படுத்தப்பட்டுள்ளன. உலகளவில் ஏற்கெனவே சுமார் 26.6 கோடி மக்கள் கடும் பசியை எதிர்கொள்கின்றனர்; மோதல்கள், பொருளாதார அதிர்ச்சிகள், காலநிலை மாற்றம், வறட்சி, வெள்ளம், நோய்ப் பரவல், மனிதாபிமான நிதி குறைவு ஆகியவை முக்கியக் காரணங்கள்.