ஒன்றிய அரசின் பொருளாதார ஆய்வறிக்கை 2025-26, தமிழ்நாட்டின் இரண்டு முன்னெடுப்புகளை முன்மாதிரிகளாகக் குறிப்பிட்டுள்ளது: பணிபுரியும் மகளிருக்கான ‘தோழி’ விடுதிகள் மற்றும் தமிழ்நாடு கடற்கரை மறுசீரமைப்பு இயக்கம் (TN-SHORE). தோழி விடுதிகளைத் தமிழ்நாடு பணிபுரியும் மகளிர் விடுதிகள் கழகம் PPP முறையில் நடத்துகிறது; 15 மாவட்டங்களில் உள்ள 19 விடுதிகளில் 1,824 பெண்கள் தங்கியுள்ளனர். ₹176.93 கோடி மதிப்பில் மேலும் 14 விடுதிகள் கட்டப்படுகின்றன. TN-SHORE என்பது 14 மாவட்டங்களில் பரவியுள்ள மாநிலத்தின் 1,069 கி.மீ. கடற்கரையைப் பாதுகாக்கும் ₹1,675 கோடி மதிப்பிலான உலக வங்கி உதவித் திட்டம். கடலூர் மாவட்டத்தின் கிள்ளை, தமிழ்நாட்டின் முதல் காலநிலை தாங்குதிறன் கிராமமாகவும் குறிப்பிடப்பட்டது.