அமைச்சரவை முடிவின்படி, அசாமில் தேயிலைத் தோட்டப் பழங்குடியினர், ஆதிவாசி சமூகங்களுக்கு மாநில குடிமைப் பணிகள், பேராசிரியர் பணியிடங்கள் உள்ளிட்ட முதல், இரண்டாம் நிலை (Class I, II) அரசுப் பணிகளில் இனி 3% இடஒதுக்கீடு கிடைக்கும். இதுவரை இந்த ஒதுக்கீடு மூன்றாம், நான்காம் நிலைப் பணிகளுக்கு மட்டுமே பொருந்தியது. கிராமப்புறத் தொழில்முனைவை ஊக்குவிக்கும் முக்யமந்திரி மகிளா உத்யமிதா அபியான் திட்டத்தில் கூடுதலாக 1,07,532 பெண்களைச் சேர்க்கவும் அமைச்சரவை முடிவு செய்தது. இத்திட்டத்தில் ஏற்கெனவே 32 லட்சம் பயனாளிகள் தலா ₹10,000 பெற்றுள்ளனர்.