அழிவின் விளிம்பில் உள்ள பிக்மி பன்றியின் (Porcula salvania) எண்ணிக்கை, செயற்கை இனப்பெருக்கத் திட்டம் மூலம் அசாமில் 1996-இல் 6-லிருந்து 194 ஆக உயர்ந்துள்ளது. உலகின் மிகச் சிறிய, மிக அரிய காட்டுப் பன்றியான இது IUCN சிவப்புப் பட்டியலில் 'மிக அருகிவரும் இனம்' (CR) என வகைப்படுத்தப்பட்டுள்ளது. 1996-இல் மானஸ் தேசியப் பூங்காவிலிருந்து ஆறு பிக்மி பன்றிகள் பிடிக்கப்பட்ட பிறகு பிக்மி பன்றி பாதுகாப்புத் திட்டம் (PHCP) தொடங்கியது; 2008 முதல் அவை காட்டில் மீண்டும் விடப்படுகின்றன. தற்போது மானஸ், ஓராங், சோனாய்-ரூபாய், பொர்னாடி பாதுகாக்கப்பட்ட பகுதிகளில் இவை காணப்படுகின்றன. அசாம் வனத்துறை, டியூரல் வனவிலங்கு பாதுகாப்பு அறக்கட்டளை, IUCN காட்டுப் பன்றி நிபுணர் குழு, ஒன்றிய சுற்றுச்சூழல், வனம் மற்றும் காலநிலை மாற்ற அமைச்சகம் உள்ளிட்டவை பங்கேற்கும் இத்திட்டம், 2040-க்குள் எண்ணிக்கையை 300 ஆக உயர்த்த இலக்கு கொண்டுள்ளது.