மண்டல வான்வழி இணைப்பை வலுப்படுத்த, திருத்தப்பட்ட உடான் (UDAN - Ude Desh ka Aam Nagrik) திட்டத்துக்கு ஒன்றிய அமைச்சரவை ஒப்புதல் அளித்துள்ளது. சிறிய நகரங்களில் உள்ள மக்களுக்கு விமானப் பயணத்தை மலிவாக்க 2016-ல் தொடங்கப்பட்ட இத்திட்டம், இனி 2026-27 முதல் 2035-36 வரை 10 ஆண்டுகளுக்கு ₹28,840 கோடி மொத்த ஒதுக்கீட்டுடன் செயல்படும். பயன்படுத்தப்படாத விமான ஓடுதளங்களிலிருந்து 100 புதிய விமான நிலையங்கள், சுமார் 441 விமான நிலையங்களின் இயக்கம் மற்றும் பராமரிப்புக்கு (O&M) நிதியுதவி, 200 ஹெலிபேடுகள் அமைத்தல் ஆகியவை திட்டமிடப்பட்டுள்ளன. குறைந்த லாபமுள்ள வழித்தடங்களில் விமானங்களை இயக்க ₹10,043 கோடி இடைவெளி நிதியுதவி (VGF) வழங்கப்படும்.