லோத்தல், தோலாவீரா, ராக்கிகர்ஹி, ஆதிச்சநல்லூர், சாரநாத், ஹஸ்தினாபூர், லே அரண்மனை உள்ளிட்ட 15 தொல்லியல் தலங்களை அனுபவ அடிப்படையிலான கலாச்சாரத் தலங்களாக மாற்ற ஒன்றிய நிதிநிலை அறிக்கை 2026-27 முன்மொழிந்தது. தூத்துக்குடி மாவட்டத்தில் தாமிரபரணி ஆற்றங்கரையில் உள்ள ஆதிச்சநல்லூர், இந்தியாவின் மிகப் பழமையான தொல்லியல் தலங்களில் ஒன்று; இரும்புக்கால வாழ்க்கை, தொடக்கக்காலத் தமிழ் நாகரிகம் பற்றி இது வெளிச்சம் பாய்ச்சுகிறது. இரும்புக் கருவிகள், அணிகலன்கள், மட்பாண்டங்கள் கொண்ட முதுமக்கள் தாழிகளுக்குப் புகழ்பெற்ற இத்தலம், 19-ஆம் நூற்றாண்டின் இறுதியில் அலெக்சாண்டர் ரீயால் முதலில் அகழ்ந்தெடுக்கப்பட்டது. அகழாய்வுக் குழிகள் மீது நடைபாதைகளை ASI அமைத்த முதல் தலமும் இதுவே.